Деновиве Ohridnews ја објави 4000-та вест. За една година и два месеци, колку што постои нашиот интернет портал, лиферувавме 4000 информации, од што над 90% локални актуелности, како и вести од спортот, културата, забавниот живот и занимливости.
Ohridnews денес е убедливо најчитаниот градски интернет портал. Просечно според статистиката на Google, Ohridnews дневно бележи посета од над 2000 уникатни IP адреси. Со оглед на тоа дека голем број компании, јавни претпријатија, интернет кафеа и други фирми имаат една IP адреса за повеќе компјутери, или еден компјутер го користат повеќе лица, тогаш реалната бројка на посетители е најмалку тројно поголема. Месечно Ohridnews остварува речиси 70.000 уникатни посети, што го прави еден од најреспектабилните медиуми не само во локални рамки туку и пошироко.
Информациите кои ги нобјавува Ohridnews ги преземаат дел од националните медиуми, а неретко тие се инспирација за останатите медиуми во градот. За жал дел од нив често неавторизирано користат делови или цели информации без да го наведат изворот на веста што е крајно непрофесионален и неколегијален однос, кој се коси со принципите на новинарството.
Сепак довербата која Вие почитувани читатели ни ја давате и се поголемиот број читатели од ден на ден, ни дава поттик и натаму да продолжиме најпрофесионално да бидеме ваш информативен сервис кој точно, навремено и без сензационализам ќе ги презентира градските и актуелностите од потесното опкружување и земјата.
Ви благодариме на довербата.
Ohridnews
