На прославата организирана од радиото и министерството за култура на државата Викторија во елитниот Виндзор хотел во строгиот центар на Мелбурн, присуствуваа повеќегодишните водители и уредници на Македонската програма Лидија Ангеловска,Ицо Најдовски и Васко Ангеловски.
На “3 ЗЗЗ” радиото Македонскиот глас се слуша 20 години, на почеток со две, а сега со три програми кои се застапени и на неговата интернет страница. Македонската радио програма е доста слушана и од големо значење за иселениците од Македонската заедница во Викторија, кои се на време информирани за се што ги засега Македонците, тие преку неа се поврзуваат со татковината, а ја слушаат и Македонската песна.
Меѓу основачите на Македонската радио програма на “3 ЗЗЗ”се Крсте Наумовски, Џим Антон и Никола Темелковски,кој и сега работи како радио водител на програмата.
