Овој декември специјализираната продавница за компјутери и галантерија „Еленик копјутери“ одбележува 20 години постоење.

Во текот на овие две децении, заедно со вас изградивме приказна исполнета со иновации, посветеност и заеднички успеси. Од денот кога започнавме, нашата мисија беше да обезбедиме квалитетни решенија во светот на технологијата, притоа секогаш ставајќи ги вашите потреби во прв план. Оваа годишнина не е само наше достигнување – таа е сведоштво за вашата доверба и поддршка, кои беа темел на секој наш успех, велат гордите сопственици.

Јубилејот „Еленик компјутери“ денеска, 18 декември, ќе го одбележи со специјални активности, акции и изненадувања во продавницата на добро познатата локација на ул. „Димитар Влахов“ во близина на чаршијата.

На овој начин сакаме да им се заблагодариме на верните потрошувачи кои две децении се дел од нашата успешна приказна. Со нив заедно чекориме кон иднината! – додаваат од „Еленик компјутери“.

OhridNews