Од компликации на бронхопневмонија на Клиниката за инфективни болести во Скопје вчера почина пациентка (1940), со потврдено присуство на вирусот А (Х1Н1), соопшти Министерството за здравство.
Пациентката била примена на Клиниката пред три дена со симптоми на грип. По приемот веднаш била
започната антивирусна, антимикробна, како и кардиолошка терапија. Но,
на 20 декември настапило влошување на состојбата и вчера доцна попладне
констатирана е смрт. Пациентката претходно боледувала од
кардиомиопатија и дијабетес мелитус.
Во Македонија досега од новиот грип починаа 15 лица.
Ohridnews
