Општина Охрид објави Јавен повик за субвенционирање на општински линиски превоз на патници на подрачјето на општина Охрид и линиски превоз на патници кој заеднички го организираат општините Охрид и Дебрца.
Предмет на јавниот повик е надоместување на дел од трошоците на деловните субјекти кои обавуваат линиски превоз на патници во услови на економска криза односно овозможување одржливост на линискиот превоз преку доделување на субвенции за реализиран превоз на патници за 2024 година, се посочува во повикот.
Критериумите за учество на Јавниот повик, начинот на пријавување на деловните субјекти кои обавуваат општински линиски превоз на патници на територија на Општина Охрид како и превоз на патници што заеднички го организираат Општина Охрид и Општина Дебрца, како и начинот на исплата на средствата се уредени во Правилникот за субвенционирање на општинскиот линиски превоз на патници на подрачјето на општина Охрид, како и превозот на патници што заеднички го организираат Општина Охрид и Општина Дебрца составен дел на овој јавен повик.
Барањата за субвенционирање заедно со потребната документација, барателот во затворен плик на кој ќе стои назнака „За Јавен повик за субвенционирање на општински линиски превоз на патници на подрачјето на општина Охрид и на линиски превоз на патници кој заеднички го организираат општините Охрид и Дебрца“ може да ги достави лично во архивата на општината или по пошта на следната адреса ул. „Димитар Влахов“ бр.57. Краен рок за достава на барањата е 24 март до 13 часот, се наведува во повикот.
Повеќе детали на линкот.
OhridNews
